青年自由空間

歡迎來到城市中的室內綠洲！

「青年自由空間」是 YMCAHK The Beacon 專為年青人打造的全新共享休息及交流空間。我們將大自然搬進了室內，在繁華的社區中開闢了一片寧靜的草地。

空間內配備了巨型沉浸式LED大螢幕，無間斷播放療癒的自然風光，讓你一秒遠離都市喧囂*；同時設有室內輕露營打卡區、舒適無比的日系豆袋梳化與矮木圓几。不論你是想在炎炎夏日涼著冷氣與好友「吹水」傾偈、獨自放空 Hea 下，還是想與夥伴們圍坐在一起大玩 Board Game，這裡都是你的專屬空間！

我們更提供多款桌上遊戲供現場借用，亦歡迎大家自備心愛的遊戲，自由定義你的悠閒時光。

* LED大螢幕播放內容或會因應主題、節目及推廣內容而有所調整而不作另行通知。

想要過嚟放鬆下？方法非常簡單：

Step 1：出發前先查閱時間
出發前記得先點擊網站連結，查看今日及未來 3 日的最新開放時間表

Step 2：直接前往空間
確認開放時間後，於開放時段內直接過嚟 LG01 展藝空間，無需預先預約就可以直接進場，費用全免！

為咗令每位過嚟嘅朋友都可以享受一個乾淨、舒服嘅環境，請留意以下幾點：

1. 入內請除鞋： 為咗保持綠油油草地嘅乾淨衛生，入去放鬆或者入帳篷之前，請先脫下鞋子。

2. 空間內嚴禁飲食： 為免弄污草地同公共設施，空間內係唔可以食嘢同飲嘢嘅（清水除外）！

3. 輕聲交流、互相尊重： 歡迎同朋友傾偈吹水或玩 Board Game，同時請尊重正在放空的其他朋友，興奮之餘亦降低聲量，讓大家都可以一同享受呢個自由空間。

4. 保持空間整潔： 玩完嘅 Board Game 或者用過嘅設施，記得物歸原位，並帶走個人垃圾，留番個靚空間畀下一個朋友。